Romarheim-konsernet sitt tidlegare dotterselskap, Osterøy Entreprenør AS (OE), er omdøypt til Espevoll Næringspark AS.

Med namneendringa følgjer 12 nye medarbeidarar over i Romarheim si stadig veksande stab.

Klare for å gje full gass 

– Vi er svært fornøgde med å ønskje fleire nye kollegaer velkomen. Dette er eit viktig steg for å styrke posisjonen vår og levere endå betre tenester til kundane våre, seier Romarheims konsernleiar Kåre Romarheim.  Trygve Andås, dagleg leiar i Romarheim Entreprenør AS, er glad for at Osterøy-gjengen no er med på Romarheim-laget for fullt.  – Det er utruleg spennande å få halde fram med å utvikle prosjektet Espevoll Næringsområde på Osterøy, saman med Nils og resten av kollegaene, som vi allereie har jobba godt saman med i fleire år, legg Andås til.  Espevoll Næringsområde er eit prestisjeprosjekt for Romarheim si satsing på eigedomsutvikling i Vestland. Det nydøypte dotterselskapet Espevoll Næringspark AS spelar ei nøkkelrolle i prosjektet. 

Gigantprosjekt under utvikling 

For Nils Skjerping, gründer, tidlegare dagleg leiar i OE og no prosjektleiar i Romarheim Entreprenør, er endringane eit resultat av ein lenge planlagt strategi. Då OE fekk ansvaret for utbygginga av det gigantiske Espevoll Næringsområde, var det nødvendig å tenkje nytt.  – Før vi gjekk i gang med Espevoll Næringsområde, ønskte vi å ha med ein større aktør i prosjektet, seier Skjerping.  For å sikre tilstrekkelege ressursar til å gjennomføre den omfattande utbygginga, valde OE difor å selje alle sine aksjar til Romarheim AS i 2022.  – Etter ein lang og krevjande prosess med å få Espevoll Næringsområde i gang, er det svært tilfredsstillande at det endeleg er under utvikling, og at verksemder er i ferd med å etablere seg, seier Skjerping.  Med Kåre Romarheim som dagleg leiar i Espevoll Næringspark, skal selskapet byggje vidare på den solide plattforma som Osterøy Entreprenør har etablert over lang tid gjennom Espevoll-prosjektet.   

Eit viktig satsingsområde 

At Romarheim-konsernet har styrkt si tilstadevering på Osterøy dei siste åra, handlar om at dette er eit viktig satsingsområde med stort potensial, påpeikar Kåre Romarheim.  For Skjerping vil den viktigaste oppgåva framover vere oppfølging av Espevoll Næringsområde og sal av tomter.  Espevoll Næringspark AS har same rolle som OE hadde før namnebytet overfor avtalepartnarar som grunneigarar, Osterøy kommune og Vestland fylkeskommune, presiserer han.  – Kundane til OE vil framleis møte dei same folka og oppleve den same kvaliteten. Forskjellen er at vi no opererer under eit samla, sterkt namn, forsikrar Skjerping.